Goierriko Hitza

2007-04-20 | 13:30:32

Beneditarren artxiboa Lazkaon geldituko da, eraikin berri batean

Lazkaoko fraideek Foru Aldundiarekin eta Udalarekin sinatu dute finantziazio akordioa

Lazkaoko fraide beneditarren artxiboa Lazkaon geldituko da. Foru Aldundiarekin eta Udalarekin lortutako akordioaren arabera, artxiboak egoitza berria izango du Lazkaoko komentuaren ondoan. Horretarako 720.000 euro erabiliko dituzte. Zatirik handiena, Aldundiak ordainduko du (600 mila euro). Gainontzeko kopurua berriz, Lazkaoko Udalak hartuko du bere gain.

• Euskal PEN Klubaren idazluma jaso du Agirrek

Ez du erantzunik

2007-02-10 | 12:52:16

"Epaiketa politikoak eteteko" eskatu dute Lazkaoko kaleetan

Ehun lagun inguruk manifestazioa egin zuten atzo "eskubide zibil eta politikoen alde"

"Eskubide zibil eta politikoen alde" lemapean, ehun bat herritarrek "epaiketa politikoak eteteko" eskatu zuten atzo Lazkaoko kaleetan. Jarrai, Haika eta Segi "erakunde terrorista" izendatu izana, "independentziaren alde egiteko aukera kriminalizatzea" dela salatu zuten. Gainera, Haika-Segi eta Udalbiltzaren aurkako prozesuetan auzipetuta dauden Garikoitz Mujika eta Urko Irastorza lazkaotarrei elkartasuna adierazi zieten manifestariek.

Ez du erantzunik

2006-11-22 | 13:11:15

Fundiciones Lazkaoko langileek "soldatak eguneratzeko" eskatu dute

CCOO sindikatuak salatu duenez, "bi soldata zor zaizkie langileei"

Fundiciones Lazkaoko langileak hiru eguneko greba egiten ari dira. Maiatzetik hona, bi soldata atzeratuta dituztela eta "hirugarren bat atzeratzeko bidean" dela salatu dute. Hau dela eta, CCOO sindikatuak deituta, elkarretaratzea egin dute gaur Ordizian, zuzendaritzari "soldatak eguneratu ditzatela" eskatzeko. Egoerak konponbiderik ez badu, abenduan beste hiru eguneko greba bat egitea aurreikusten dute.

Erantzun 1

2006-07-26 | 15:36:45

Beloki errugabea dela dio auzitegiak

Ez dute lazkaotarraren kontrako neurri legalik hartuko

Madrilgo Auzitegiak hainbat txirrindulariri bidalitako ohar batean dionez, Joseba Belokik eta Astana Wurth taldeko beste hainbat kirolarik ez dute zerikusirik Puerto auziarekin. Honenbestez, errugabetzat jo ditu eta ez du haien aurkako neurri legalik hartuko.

Ez du erantzunik

2006-07-04 | 17:28:47

Ruper Ordorikak kontzertua eskainiko du bihar Lazkaon

XXXII. Udako Euskara Ikastaroen barruan joko du oñatiarrak

Ruper Ordorika musikari oñatiarrak kontzertua eskainiko du bihar Lazkaon. Maizpide euskaltegiak antolatutako XXXII. Udako Euskara ikastaroen barruan joko du. Kontzertua, gaueko 22:00etan izango da Lazkaoko Euskadi plazan. Sarrera dohan izango da.

Ez du erantzunik

2006-06-09 | 18:01:25

Mila etxe egitea aurrikusten dute Arau Subsidiarioek

Atzoko plenoan onartu ondoren, alegazioak aurkezteko epea irekiko dute laster

Lazkaoko udalbatzak argi berdea eman die Arau Subsidiario berriei. Hauetan aurrikusten denez, Lazkaon mila etxebizitza berri egingo dituzte datozen zortzi urteetan. Etxe gehien izango dituen Eremua Iturgaitzakoa da, 436 etxe egingo baitituzte bertan. Ondoan, Orobione atzean, dagoeneko hasiak dira eraikiko dituzten 90 etxetatik 24 egiteko lanak.

Ez du erantzunik

2006-06-08 | 11:59:36

Josu Sarriegi lazkaotarrak Athletic-en jokatuko du datozen lau denboraldietan

Alavesi milioi bat euro ordaindu diote bilbotarrek defentsa kontratatzerakoan

Josu Sarriegi futbolari lazkaotarrak Bilboko Athletic taldean jokatuko du, Alavesetik fitxatu ondoren. Milioi bat euro kosta zaie defentsa goierritarra erostea. 2010. urtera arte elastiko zuri-gorriarekin ariko da Sarriegi San Mamesen.

Ez du erantzunik

2006-05-17 | 18:43:49

Josu Sarriegi euskal selekziora deitu dute, Galesen aurkako igandeko partidarako

Salva Iriarte beasaindarra, berriz, Galeseko selekzioaren aulkian egongo da

Alaves 2. Mailara jaisteak eragindako zapore mikatza zertxobait gozatzeko edo, Josu Sarriegi lazkaotarra Euskadiko selekzioaren partaide izango da datorren igandean. 27 urteko defentsa zentrala lehenengo aldiz deitu dute euskal selekziora.

Ez du erantzunik